«ایران وایر» آزربایجان بولومو یا فلسفه ایرانشهری بولومو

 اومود دوْزگوٌن

اینگیلتئره ده ( انگلیستان دا) فارس اوپوزیسیونی، آزاد ژورنالیست آدینا پان ایرانیسم و پان فارسیسم تفکورینی یایماقدا اوزوینی دموکرات گوسترمک اوچون آزربایجان تورکجه سینده بولوم صحفه سی آچاراق، پان ایرانیست تفکورینی تورک دیلینده نشر ادیب یایماقدادیر.

البته کی تورک دیلینده هر بیر وب سیته نین اولماسی بیزیم دیلمیزین مکتوبلاشماسینین انکشیافیندا مثبت بیر حالدیر. امما سیاسی باخیمدان میللی مارخلاریمیزین ضیددینه دیر. بو وب سایتی اسپانسور ائدنلر نامعلوم و گیزلی اولورسالاردا، خط لری یازیلاریندان بئللی دیر.

آزربایجان تورکجه سینده کی بولومینه بیر بالاجا گوز گئزدیرنده، اوردا آزربایجانا عاید خبرلر یالنیز رژیمین داخیلده فارسجا یازیدیغلارینین ترجمه سیدیرکی، بیر- ایکی (۱٪-۲٪) فایزه چاتمیر. حال بوکی خاریجده مخالیف و آزاد ژورنالیست ایدعاسیندا اولان بیر میدیا، ایران رژیمینه قارشی اولان آزربایجان میللی حرکتیندن بیر مقاله و یازینی نشر اتمیر. اوردا آزربایجان محبوسلاریندان، اعتیراضلاریندان بیر خبر یوخدور! قره باغ شاواشیندان و ایشغالی تورپاخلارمیزین آزاد اولونماسیندان هئچ بیر خبر یوخدور!

بو تورک بولومونو هانسی پان ایرانیست آزربایجانلی ایداره ائدیر، آدی سانی بئللی دئییر! البته اولابیلرکیَ، میللی حاقلاریمیزی فارس فاشیزمیندن طلب ائدنلر و میللی حرکتیمیزی اویدوران فلسفه ایرانشهری اوزانتیلاری، ایصلاح طلب و کمونیست فدرالیست- پان ایرانیست لرین ماراخلاری «ایران وایر» کیمی قوروملار ایله اوست اوسته دوشه، آمما میللی حرکتچی لرمیز یقین کی بو فاشیست پانفارسلارین اپوزوسیون قولونو یاخجی تانییب و بئلنچی آزربایجان و تورک آدینا آچیلان بولوم لر، کار کروه اقوام و کمیته امداد آزربایجان، خانه اقوام و سایر کیمی تحقیر ائدیجی قورمولارا هئچ بیر اونم وئرمییب و بئلنچی آددیملاری میللی ماراخلارمیزین تام ضیدینه حساب ادیرلر.

اولارکی فارس فاشیزمیندن ایرانین سراسرینده تورک تلویزیونی (صدا و سیمای تورکی ایران ) و تورک قزته سی( کیهان تورکی ایران) یارانماسینی، ایللردی عاجیزانه طلب ایدیردیلر و هله ده آرا سیرا طلب ائدیرلر! بیر داها دوشونمه لیدیرلر و اوره نک اولاراق بو خاریجده کی ایدعای دموکراسی ائدن «ایران وایر تورکی» قوروجولاری نین دوارانیشلاریندان عبرت درسی آلمالیدیرلار.

«ایران وایر» آزربایجان بولومو ... لینک ...>>>

https://iranwire.com/fa/special-features?filter=azari