فارس رژیمینین ایران تورکچولوک آدینا 
بئجردیگی یئنی مانقورت لارا قارشی دوراق

اومود دوٌزگوٌن 

موراجیعت ۲

عزیز آزربایجان تورک ملتی

گئچن آیلاردا فارس آزینلیق رژیمینین سایبر لشکری، ایران آدیلی جغرافیادا اوٌز فعالیتینی چوخ آرتیریب و مختلیف دیللرده او جمله دن فارسی، تورکی، عربی، کوردی و...اوٌز اویدوروجو پراپآگانداسینی (تبلیغاتینی) مختلیف شبکه لر طرفیندن یایماقدادیر. گونئی آزربایجان مسئله سینه گلدیکده، ایران تورکلری آدینا، مهران بهاری ماسکاسی آلتیندا بیر چنته، آزربایجان ملی حرکتینی اوز ساغلام توتدوغو یولوندان، یعنی فارس استعمارچیلغیندان قورتارماق، ملی دولتین تشکیل اتمه سینه شرایط یارادیب و گونئی آزربایجانین مستقللیگینی اعلان اتمه سی هدفیندن جایدیرما نیتیله، اینترنت طریقیله اوٌز چیرکین زه هرلرینی توٌکمکده دیرلر. 

فارس رژیمی ضد تورک و ضد آزربایجان نیتیله، ایران تورکچولوک آدینا بئجردیگی یئنی مانقورت لار اورتایا چیخاتماقدادیر. ایران رژیمی باشقا مخالف لرینه آپاریدقلاری مئتودلاری آزربایجان ملی حرکتینه قارشی یئرریتمه ک نیتینده دیر. او جمله دن، ملتیمیزین قارشیسینا فارس توپلومیندا چیخاردیغی بیر شیطان صفت و نژادپرست آریایی عنصر« امید شریفی دانا» نین بدلینی، ایران تورکچوسی آدی آلتیندا میدانا چیخارتماق ایسته ییر. هابیله کورد میلتینه اوزینی منسوب ائدن باشقا شیطان صفت و نژادپرست « پیمان حیدری» آدلی بیر عنصرین کوپیسینی ایران تورکی آدینا و یا آزربایجان ملی فعال آدینا اورتایا چیخاتماق ایسته ییر. 

ده یرلی سویداشلار، آزربایجان ملی حرکتینین بیر کیچک یولچسی اولاراق،  تامام هموطنلری و خصوصیله ملی فعالاریمیزی آییق ساییق اولماقا و فارس فاشیستلرینین اویدوروجی اویونلارینن قارشیسنیدا بیر بویوک یوموروق کیمی دایانماقا چاغیریرام. بیز گونئی آزربایجان تورک ملتی اولاراق، اوٌز ملی مدنی و انسانی حرکتیمیزی هرجور ایرقچیلیق و نژادپرستلیقدان اوزاق ساخلاییب، اؤز میلتیمیز اوچون آزاد و انسان کیمی یاشاماسینی هر میلت، او جومله دن قونشو میلتلره ده ایسته ییریک.

یاشاسین آییق آزربایجان تورک میلتی

عشق اولسون آزربایجان مرکزلی دوشونن فعاللارا

سایقی لاریملا

اومود  دوٌزگوٌن

شهریور/۱۳۹۷/۲۷