سۇال؛

خایین لرله، نئجه داورانمالی‌ییق؟ بۇنلارین حؤکمو نه‌دیر؟

جاواب: 

عزیز دوْست،

منجه دۆنیا و اؤلکه قانونلاری، عالی محکمه قرار وئرمه‌لی دیر.

اما توْپلوم و شخص اوْلاراق یاناشمالار فرقلی اوْلور.

من بیلنه گؤره، گۆنئی آذربایجاندا، عمومییتده بیزیم توْپلوم کئچن ۱۲۰ ایلده هئچ بیر خایی‌نین گؤزونو ده بئله پۆله‌مه‌ییب. شخص اوْلاراق من خایی‌نین سیاسی خطّینی دلیل و سند ایله ایفشا ائدرم و اوْنی قینارام.

البته بو حاقدا رئاکسی‌یالار مۆختلیف اوْلوب:

1- آددی جاماعات بیر آز عصبلنیب اۆستوندن کئچیبلر. 

2- ضیالیلاریمیزین تکه تۆکو مدنی اعتیراض و تنقید ائدیب، عملی بیر حرکت ائده بیلمه‌ییب، چاره‌سیز قالیبلر.

3- بعضی اؤزلرینی ضیالی بیلن و چوخ کیتاب اوْخویانلاریمیز، دئییبلر کی : اوْدا اوْنین (اوْ خایی‌نین) نظریدی، هئر کس آزاد دیر اؤز فیکرینی دئسین.(البتده منجه؛ نظر ایله غرزین فرقی چوخ دی).

4- بعضی آدینی ضیالی قوْیان و چوخ کیتاب اوْخویانلار اوْ خایین حاقیندا، اوْ خایین آدام حیاتدا اوْلارکن اؤزلرینی بیلمه‌مزلی‌یه ویریب، سسلرینی چؽخارمازلار! اما اوْ خایین اؤلندن سوْنرا، باشلارلار اؤزلریندن حکایه چؽخارماغا و مالا چکمه‌یه، اوْ خایینه به'رائت قازاندیرماقا (بیزیم اوْ قوْجا درویش کیمی) مثلاً:

" ...هه من سید حسن تاغیزاده-نی(۱۸۷۸-۱۹۷۰) ۹۳ یاشیندا، بیر-ایکی آی اؤلمه‌دن قاباق تبریزده رحمتلیک داییم ایله، ائوینده گؤردوم، اوْ اؤز سهویندن پئشمان اوْلموشدو، من اؤزوم اوْنون [اوْ خایی‌نین] آغلاماغی‌نین و گؤز یاشلاری‌نین شاهیدی اوْلموشام، اوْ آذربایجانی و تۆرک دیلینی چوخ سئویردی!"

نتیجه:

5- بیزیم میلّتی اوْ قدر آسیمیله ائدیبلر کی، اوْ نوْرمال و اۇنیوئرسال رئاکسی‌یالار دان اؤزاق لاشدیریبلار. تخمیناً دئمک اوْلارکی، میلّتیمیزی؛ حاقسیزلیغا، میلّی ظۆلمه، توْهین- تحقیره عادت وئریبلر. گۆیا مانقورتلاری، ساتقینلاری و خایینلری تحمّول ائدیب، اوْنلارا توْلئرانس گؤسترمه‌لی‌ییک!

البته، میلّی حرکاتیمیزین گئدیشاتی بو آجیناجاقلی وضعیتی گۆن به گۆن دییشدیرمکده دیر.

اۇمود دۆزگون

11-18-۲۰۲

Sual;

Xayininlərlə, necə davranmalıyıq? Bunların hökmu nədir?

Cavab:

Eziz dost,

Məncə dünya və ölkə qanunlari, məhkəmə qərar verməli dir.

Amma toplum və şəxs olaraq yanaşmalar fərqli olur.

Mən bilənə görə,Güney Azərbaycanda, bizim toplum keçən 120 ildə heç bir xayinin gözünü də bələ püləməyib. Şəx olaraq mən xayinin siyasi xəttini dəlil və sənəd ilə ifşa edərəm və oni qinaram.

Əlbətə reaksiyalar müxtəlif olub:

1- Addi camaat bir az əsəblənib üstündən keçiblər. 

2- Ziyalılarımızın təkə tükü mədəni etiraz və tənqid edib, əməli bir hərəkət edə bilməyib, çarəsiz qaliblər.

3- Bə'zi özlərini ziyali bilən və çox kitab oxuyanlarimiz, deyiblər ki : oda onin (o xayinin) nəzəridi, her kəs azad dir öz fikrini desin.(əlbətdə məncə; nəzər ilə ğərəzin fərqi çox di).

4- Bə'zi adini ziyali qoyan və çox kitab oxuyanlar o xayin haqinda, o xayin adam həyatda olarkən özlərini bilməməzliyə virarlar və

səslərini çıxarmazlar! Amma o xayin öləndən sonra, başlarlar özlərindən hekayə çıxarmağa və mala çəkməyə,  o xayinə bə'raət qazandirmaqa (bizim o qoca dərviş kimi) məsələn:

" ...hə mən Seyd Həsən Tağızadə-ni(1878-1970) 93 yaşinda, bir-iki ay ölmədən qabaq Təbrizdə rəhmətlik dayım ilə, evində gördüm, o öz səhvindən peşman olmüşdü, mən özüm onun [o xayinin] ağlamağinin və göz yaşlarının şahidi olmuşam, o Azərbaycani və türk dilini çox sevirdi!"

Nəticə: 

5- Bizim milləti o qədər asimilə ediblər ki, o normal və universal reaksiyalar dan özaq laşdiriblar. Təxminən demək olarki, millətimizi; haqsızlığa, milli zülmə, tohin- təhqirə adət veriblər. Güya manqurtlari, satqınlari və xayinləri təhəmmül edib, onlara tolerans göstərməliyik! 

Əlbəttə, Milli hərəkatımızın gedişatı bu acınacaqlı vəziyyəti gün bə gün dəyişdirməkdə dir.

Umud Düzgün 

11-18-2024

........................................................................................................................................................................

 خایین کیم دیر؟ 

خایینین حوکمو نه دیر؟

انصافعلی هدایت

دوستلار! بو ناخلف تورک، آزربایجان و تبریز ضیدلی خایینی آختاریب تاپمالی، آبریسین آپارمالی دیر. تبریزی، اونا دار اتمه لی دیر.

 بونا تای ضیددی خالق، ضیددی وطن، ضیددی میللت سرمایادارلار، آزربایجانلی تورک خالقیمیزین دوشمانی دیرلار.

منجه، هر کیم کی دوشمان دور، اونا رحم گرکمز.

بئله خایین لر، بونا گورا کی دوشمانا داها یاخین اولسون و اوز میللتینین سسین کسسین، "من تبریزلی یم دئییر. ایله بیل کی تبریزلی اولاندا، حاققی وار تورکون، آزربایجانین و توم تبریزین، هم طرفیندن دانیشسن، همده تورکو، آزربایجانی و تبریزی آشاغالایئب، تورک و تبریز آدی ایله تورکون، آزربایجانین و تبریز اینسانینین میللی حاقلاری ایله دوشمانلیق اتسین. هئش کیمین بئله بیر حاققی یوخ دور و اولمامالی دیر. بو و بونا تای یالتاقلار، خایین دیرلر. چون اوز میللت لرین، دوشمانا ازدیریر کی اوزونه فایدا گوتورسون تاکی ثروتلر رینه، ثروت قاتسینلار. 

منیم دوچون خایین لرین حوکمو بللی دیر آمما هر کسدن سوروشورام:

 بونلا، و بونا تای آداملارلا نئجه داورانمالییق؟ بونلارین حوکمو نه دیر؟

انصافعلی هدایت

11/17/2024